Tolosaldeko Hitza

Alegian Javier Madrazo Eusko Jaurlaritzako Etxebizitza eta Gizarte Gaietako Sailburua izan da gaur, alokatzeko 18 bat zuzkidura-lojamendu inguru sustatzeko hitzarmena sinatzen, Alegiko Aitor Sarasola alkatearekin batera.

Hitzarmenaren bidez, etxebizitza hauek aurrera eramango dituzte: Gipuzkoan egiten diren mota horretako aurreneko lojamenduak dira. Lurzoruaren Euskadiko Legean aurreikusita dago, eta gazteei zuzenduta daude etxebizitza hauek.
35 urtetik beherakoentzat dago pentsatuta eta 50 eta 60 metro karratu ingurukoak izango dira, eta soldata baxua dutenentzat bereziki izango da.
120-130 euro inguru kostako da alkilerra. Dirudienez, 2008ko bigarren erdialdean hasiko lirateke. Bukatu, berriz, 2010ean bukatuko lituzkete.